2007.3.31

卅一/三/二零零七 六 晴
佢地三個農曆新年去New Year party 識左d人, 今日其中一個人Singapore Janice 生日, 就去左佢個地方打邊爐.
躉左成個鐘巴士去Depford, 去到已經成村人仲要食左幾轉, 湯底竟然用全雞熬既, 另有冬蔭功湯底可供選擇.
無論係人種同食物種類都無疑係大雜匯, local"生意佬", 瑞典名英國人, 上次一齊唱K既黑白混血Marjourae, Quebec 旅者Rafik, pro pocker gamer Elmer
Rafik 實在唔係講笑, 上年剛剛去左Jordan, Isarel, Eygpt 一個月, 之前係Istanbul (Turkey) 一直hitchhike 到Budapest (Hungary), 實在匪而所思夠膽死
西方後生仔文化不同, 再加上西方福利制度完善, 打下散工, 盤川賺夠就出發, 千金散盡還復來.

2007.3.24-25

廿四/三/二零零七 六 晴
珍妮C小姐明天牛一, 我地當然唔敢怠慢, 一早就約好各方好友出席今晚既盛會, 去中港城唱K,(我仲一路諗住係去中國城) 由於爆滿既關係, 我地就訂左十點到三點個場, 共四個鐘 (我唔係唔識計數而係今晚轉day light saving summer time, 即係冇左一個鐘, 十一點一個鐘之後係一點)
在坐各位有Man+佢個frd, Dora+佢個frd, Laiqing, (聞說Gloria 閉關中), Estelle, Majourae, 李嘉欣(!!), Chowee同我. 好似唱左好耐咁, 感覺多於四粒鐘, 一解唱K條癮.

廿五/三/二零零七 日 晴
昨晚唱到兩點幾都仲有人想黎下場--打牌, Man, Sam, Janice同李嘉欣, 我唔同佢地顛, 點都要訓個覺先...
訓醒誰知佢地打到六點幾, 真係年青力壯... 跟住大家興致勃勃, 又出去唐人街飲個茶, 寫意生活.

2007.3.21

廿一/三/二零零七 三 晴/雪
今日又落雪, 今個冬天第四場雪啦, d人話倫敦巿中心一向一年落一次架咋... 不過今日場雪好快就變左雨, 不過比落雪仲陰寒...

2007.3.20

二十/三/二零零七 二 晴/雪
嘩!上個星期同事已經話weather forecast 話今個星期會落雪, 今日對面個同事一聲"look at the outside", 一擰轉頭, 天昏地暗, 風雪亂墜, 路人狼狽不堪.
雪落左十分鐘就停.

2007.3.19

十九/三/二零零七 一 晴/陰
老細一時係度一時唔係, 壓力都冇咁大, 雖然要做既野唔少, 但係點都要上下網減減壓, 實在唔明白點解呢個世界可以要求人類要係指定時間連續不停工作.

2007.3.18

十八/三/二零零七 日 晴/雹/睛雨不定

之前forum 咪有人問邊個試過發夢"訓醒", 跟住原來醒多一次先真係醒, 今朝我就係咁啦, 訓醒既時候發覺自己個頭訓左過隔離床, 即刻訓返過自己個邊, 跟住係床上面腆左一輪, 突然醒覺雖然我地係拍L字床, 但係其實兩張床係冇真正拍埋, 中間仲有個電視, 我跟本冇可能可以好舒服咁訓左過隔離, 所以頭先一定係發夢, 但係至於幾時先係真醒個一刻, 我真係分唔清, 真係真真假假, 假假真真.



今日照原定計劃到Camden 行下, 點知天有不測之風雲, 正想出門時竟然落雹...
Camden Market 其實就好似女人街, 不過佢賣d野毫無特色, 不外T恤飾物翻版袋, 不值一提.








相反一過Camden Canal, 所有野即刻唔同曬, 貨品雖然無甚特別, 但係運河流水淙淙, 兩岸柳垂, 小船蕩漾. 只要越過水閘上面既小橋, 就黎到Canal Market. Canal Market 由一堆兩層紅磚小屋組成, 小屋下層係餐廳, 小屋之間既空地就係大大小小既熟食檔, 小屋上層就係精品店家品店, 連串既小鐵橋將二樓空間連接起來, 又會通到中心double height 既arcade, 遊人可以穿梭其中, 路路亦通, 有時間都要研究下個市場格局.

經過一檔賣Donut 既買左一個勁大勁朱古力既Donut.

相通既仲有Stable Market, 睇名都知前身就係馬廄, 有一條美食街, 去過既人好多都讚, 但係食之前個Donut 都飽曬. Stable Market 最正就係係Horse Hospital 既antique market, 其中一檔比起其他賣china, 吊燈, old print o個d傳統野與別不同, 特別印象深刻, 賣既係歐洲工業革命時期既電器, 收音機, 電熱爐, 檯燈, 多士爐, 坐地大風扇, 金屬加素色塑膠既經典material配搭, 簡約透明既金屬機能美, 極盡Bauhaus 之味. 相信有研究既人對老電器品牌, 出廠處應有更深了解. 此時又激起我遊德國Dussendolf 既衝動.
後來走到大街被一間自稱Best antique store in London 既大舖吸引住, 唔係因為佢自己話best, 而係一望入去真係好靚, 裏面大部份都係天然材料做的東方或非洲工藝品, 已且勝在任玩唔嬲, 齋搞唔買絕冇問題, 銅片石頭樂器隨便亂敲, 佛像惡人像放心摸摸.的而且確香港人冇足夠地方, 冇足夠品味, 冇足夠氣量, 冇足夠閑情去擁有一處閑適而又有活力的地方.

2007.3.16-17

十六-十七/三/二零零七 五/六 晴
呢排比較忙, 即使係親愛既禮拜五都做野做得晏少少. 奇怪在夜晚無端端同陳栩縈發up瘋, 發發下發左個巴黎之旅既idea. 就咁樣, 整個星期六就為左黎緊既各個旅程做research, 為迎接春天同夏天做好準備!

2007.3.14

十四/三/二零零七 三 晴
2007年以來首次放工仲係天光六點正消失於office, 因為今晚我地將會睇Arsenal vs ManU semi-final, 不過係青年軍者麻...
黎到倫敦竟然第一次搭Central Line... Holborn轉 Picadilly到Holloway, 幾步就到Arsenal 既Emirates Stadium
第一次入球場睇波乍, 裏面真係好浩翰, Chowee 個中同Christine 好似識凌波微步咁就去左前面霸左一排位
跟住場波其實都冇乜野, 係Arsenal 入左一球咁羅...

仲有下場! 之後同阿Man 一行五人去左Leicester Square 篤波, 有趣有趣...

2007.3.12

十二/三/二零零七 一 晴

勁冇mood... 今日本來悠悠閒閒咁, 不知幾寫意, 誰知六點三突然老細召見, 見到個area schedule都未睇就已經燥底, 話佢唔要咁樣分類, 叫我諗下先做, 唔好打曬d數落去就算, 之後仲自己畫個schedule, 又話我填錯曬d顏色, 又話要點點點, 大佬你之前又唔話俾我知而定家個project 去成點, 你想個design 點改, 我又只係一個冇經驗既小小year out, 我點知你要乜喎...

最燥就係後來坐低, 望下佢畫張schedule, 返心諗下, 佢都冇將GEA 分成commercial, residential 同retail 三類, 仲口口聲聲話GEA 冇得分類, 只可以分層... 我如夢初醒, 原來到今時今日個project 斷斷續續run 左三年, 佢都仲以為planning 係計NIA, 老早planning consultant 已經強調UDP 條policy 係計GEA... 如果planning consultant 知道心裏面實激到甩肺... 仲有我填d色其實冇錯, 你可以話分類唔夠refine 但一定唔係錯, 都唔知知道架lift幾大circulation幾大黎做乜... 可能根本佢隨口up, 佢根本冇放時間了解呢個project, 呢個世界邊有schedule 唔使用少少時間理解一下架?

2007.3.11

十一/三/二零零七 日 晴
呢幾日經常冇熱水呀...我想沖涼呀...

有人帶仔返黎屋企食飯喎... 咪煮好送d羅... wahaha... 打牌大敗...

2007.3.10

十/三/二零零七 六 晴

難得眾志城城, 萬眾一心要KO Tate Modern 條滑梯, 我地終於鐵定今日去Tate Modern 排隊sir滑梯. 呢一條唔係一條普通既滑梯, 而係由比利時藝術家Carsten Holler 設計既, 由Tate Modern 五樓sir到地下既滑梯, 第一眼見到已經知道一定要黎sir 一次! 的確係一條令人夢想成真既滑梯!

Janice 第一個, 我第二個, 用麻包袋墊背, 跟住就sir落去, 可能joint 位唔係好smooth, 成個人dun得不得了, 但係轉落黎加埋燈光配合, 成條鐵梯既內籠都好靚, sir完真係好興奮.

跟住到周嘉欣嗌住咁sir 落黎, 至於侯先生著陸時竟然翻側碌左落地下...

2007.3.9

九/三/二零零七 五 晴

今日lunch time 同同事去食飯, 佢地揀左間Hanover Square 既日本餐廳, 身為東方人對和食真係比佢地了解, 起碼我地識搾筷子oY.仲有order 左sake, wahaha...

放工同另外兩個同事落pub, 人少少就吐係公司d苦水, 唉, 講真其實公司真係幾混亂...

今日social 多過做野, 好一個social day!

2007.3.6

六/三/二零零七 二 晴

努力工作, 為既就係今晚準時六點半放工睇< Phantom of the Opera >, 雖然我都係鍾意< Evita >多d, 可能鍾意biography 多過fiction, 同埋< Evita > d 歌真係好聽d, 不過盞大吊燈跌落黎都好震憾, 同埋 < Masquerade > 一幕真係好classic 既歌舞昇平, 超靚!

2007.3.2

二/三/二零零七 五 陰
返香港就好似發左一場夢咁, 又再投入倫敦既生活. 對於倫敦既日常事物開始有熟悉的親和感.

早兩日知道左Prospect House 批左budget, 終於resume, 同埋schedule 都幾趕, 五月交planning submission. 於是即使今日禮拜五都努力工作到七點幾先走.

夜晚Janice 沖沖下涼走出黎大叫, 原來成個水掣擰甩左, 問題就係, 咁點閂水喉呢? 真係刺激啦...最後唯有打開水箱後面幅牆, 閂左二樓總掣, 上左一堂building service 實習課.

2007.2.26

廿六/二/二零零七 一 晴


天未光就出門去機場, 其實都幾鍾意飛來飛去的生活, 但係唔係機師空姐空少個隻咁密, 但係可以得閒換下環境, 生活一定唔會悶. 又睇多兩齣戲< The Queen >, 同 < Prestige >.
難得倫敦用大晴天迎接我, 幾歹都要幫佢從高空影返幾幅相...

2007.2.15-16

十五/二/二零零七 四 陰
返香港前一日當然要購物, 行到腳軟, 點知Thortons 竟然話我知佢個隻朱古力賣曬...

十六/二/二零零七 五 陰
好緊張既一日, 拖住個大急返工, lunch time 仲要過Bond Street 間Thorntons 度入朱古力.點知五點半走之前, 成十幾次有警車救護車經過, 原來係出面大街Regent Street 有事, 不知幾驚會影響到tube, 於是立即走, 拖住急經過問下警察佢都只係話serious accident.
唔理佢咩事, 總之攪到tube 裏面人頭湧湧, 七國咁亂, 上到車又逼爆, 係Picadilly Circus 抽起個大急跑上跑落轉車又轉到頭暈, Picadilly line 又勁多人又勁多行李, 折騰個幾鐘七點左右到Heathrow, 好彩Heathrow 冇上次係Gatwick 咁亂, 兩個鐘前check-in 都卓卓有餘. 搭NZ, 其實飛機上面最正就係一大堆新戲任睇, 睇左< Babel >, < Little Miss Sunshine >, 同無聊卡通< Flushed Away>.

2007.2.14

十四/二/二零零七 三 陰

好一個二月十四, 今日周小姐已經為我地四個book 好左佢公司附近既餐廳, 四條粉腸漂泊異地, 當然要互相扶持下. 至於我就為大家準備左鮮花兩大碌, 好讓各女士係街上面有d野搾手...

話時話間野唔貴d野又幾好食.

2007.2.12-13

十二/二/二零零七 一 陰

本來reg 左個lighting show, 但係最後都冇人去, 唔去睇lu...

十三/二/二零零七 二 雨

上次佢地三個知道我地有副麻雀之後, 就話點都要黎一次, 於是今日到我請返ThaiMay, Kynson, Charlene 過黎我地度, 食餐飯, 重點當然係開檯. 佢地兩個打到十一點幾要肯走, 但係Elephant & Castle 交通咁方便, 都冇乜所謂啦. 至於Kynson, 因為Keith 返黎London, 所以Kynson 就冇得係UCL屈蛇, 就黎左我地度訓一晚.

2007.2.10-11

十/二/二零零七 六 陰
今日因某事故去左Farringdon 散步, 當週末散步輕鬆下.

十一/二/二零零七 日 陰/晴/雨
差丁點兒又虛度一日, 幸好兩點幾, 剛剛落左黎London既包主打黎叫我出黎行下, 就出左去City Hall 個頭同包主, Kynson, Charlene 飲咖啡.
之後佢地邀請我去UCL 既hall 度煮飯食, 仲有西米露, 後來Soki 同Kylie 返左黎, 閒聊一輪, 到十一點幾, 即使落大雨都要走啦...

2007.2.6-8

六/二/二零零七 二 晴

睇< Syriana >, 一齣講美國中東石油角力既電影, 睇到一頭霧水, 兩個鐘唔知發生乜事, 得最後十分鐘係明既...

連日以來倫敦事故頻繁, 發現火雞禽流, 接連郵包炸彈, 令我想起上星期凌晨樓上爆炸之事, 爆到窗都飛脫, 外牆薰黑, 消防警察到場疏散高層住客, 但最令人驚訝既卻係係Flat 18 二樓四條友竟然冇一個人知情, 悉數熟睡, 真係死左都唔知咩事...從未與死亡如此接近.

七/二/二零零七 三 晴
一年.

放工等巴士時, 見到有條友竟然周地灑雀粟, 再諗真d, 應該係鹽之類的物體, 正正預警今晚將會落大雪.

返到屋企, 攪左鑊杰野, 唔知邊面屎忽痕, 走去整吉列豬柳, 結果攪到一檯生粉麵包糠, 哩hae到暈, 先前落鑊d豬柳開始農, 之後d豬柳都仲未沾好包糠... 煎多兩下佢又甩皮, 又驚岩岩落個d唔熟. 幸好最後無肚痛, 唔煮唔知自己以前原來食咁多油.


八/二/二零零七 四 大雪

難得倫敦落大雪, 雪花紛飛, 窗外白矇矇一片, 門前甚至堆起小積雪, 路面濕滑, 行路得小心翼翼. 雖然落好大雪, 又落濕我部電話, 但係忍唔住點都要影番幾張相.















落到tube, 過Charing Cross 之後停左係隧道中間, 其實都預左佢實delay, 誰知入左Picadily Circus 竟然叫all change, 真係吹漲, 衰衰格格差一個站, 唯有只好冒住大雪行返公司.巿中心一樣咁大雪, 行左成條Regent Street, 返到公司成件外套濕曬.

2007.2.9

九/二/二零零七 五 陰
Prospect House 石沉大海音訊杳無, office 既refurbishment 又俾Pakistan architect 雷速KO, 小弟自然回歸Cad 仔一名, 從來唔使decision making 既野自然專心, 效率自然回升, 6點準時又落pub, 正! 每星期都有個機會同同事暢談一下, 近黎閒談聽得明既多左, 飲左酒d 英文又會講得好左, 大概因為放d啦, 始終都係平日衝破唔到心理關口者...

2007.1.29-2.4

廿九-三十/一/二零零七 一-二 陰
幾日都係對住唔同牌子款式既sliding door廁所shower tray洗手盆...

卅一/一-二/二/二零零七 三-五 晴/陰
呢幾日慢慢上力, 約supplier, 畫detail, 好似做返d year out 應該做既野, 同埋上面有個architect 有乜想知可以即刻問, 難得佢又好人肯教我野, 畫好個廁所detail.
星期五難得一日全日都係做野, 做完野就去飲酒, 今次終於我請人飲酒, 感覺良好.

三/二/二零零七 六 晴
幾番掙扎, 決定到Harrods 完成任務, 但係表哥結婚禮物可冇乜發現.
最大收獲反而係Harrods 二樓個Rock exhibition. 雖然Harrods 都算係機關算盡, 商機無孔不入, 歌手肖像畫, 電結, 衫褲, CD甚至live show 個sound system都無一唔係賣得既, 但係其實都好值得睇.













結他任試

Live music show, Rasha Shaheen, 小弟買下左佢既CD連簽名, 都唔差既...

各名人結他縮細版


世上第一部電結! Frying pan

四/二/二零零七 日 晴
怒訓都只不過係訓到十點幾, 返工令人個生理時鐘正常曬, 不過今日唔想出街, 只想靜靜地自閉一下.
晚上重溫<家有囍事>, 真係經典中既經典, 不過驚覺比起上次睇有d人已經唔係度

2007.1.27-28

廿七/一/二零零七 六 陰晴不定
本來打算出去Somerset House 飲杯咖啡, 最後又遲起身, 收到電話費單又以為有問題, 打左去問, 已經三點, 就快天黑, 就乾脆將禮拜六日計劃對調, 改為今日煲湯同埋休養生息一下.

唉... 唔知點解今日總係覺得前路茫茫咁樣, 都唔知第日既路點行... 好迷惘哩...

廿八/一/二零零七 日 陰
起身十二點幾, 收番埋尋晚洗左個d衫, 煮個麵, 兩點幾出街, 行去Somerset House 度, 睇下係courtyard裏面個ice rink.


去到發現真係好多人係度踩冰, 非常擠擁, 好彩冇真係踩唧... cafe 好多人, 檯凳又少, 坐露天位肯定凍死, 於是就走出去逛下.
一直沿住the Strand 行, 之前都冇留意有咁多歷史建築:


The Royal Court of Justice

英格蘭嘜頭飛龍


St Clement Danes Church + Statue of Prime Minister Gladstone(1809 - 1898) & courage, aspiration, brotherhood and education

St Mary le Strand

Strand Underground Station


上次睇EVITA 既 Adelphi Theatre

Charing Cross Railway Station

最後難得Cafe Nero 安息日都開, 見人唔多就入去嘆下caffe mocha. 久未兌現既承諾, 聽住歌睇下書sketch 下野, 不亦樂乎. 平日生活精神緊張, 總要帶自己到冇電腦既地方與人間煙火隔絕一下, 先真正可以鬆一鬆...天六時入黑, cafe 亦快打烊, 臨走時個哥哥叫住我, 比左枝芒果汁我, 話今日過期, 真好人. 回巢之前到Somerset House 返兜一下, 果然入黑後係靚好多.

2007.1.23-24

廿三/一/二零零七 三 雪
夢正酣甜, 突然比人叫醒, "嘩出面落雪呀!", 望出窗外, 嘩真係好大雪喎, 好耐都冇見過雪, 好靚呀, 不過品性難移, 同時不禁大煞風景:"pk...實凍q死...", 從而被斥...
特此早五分鐘起身, 用手機拍攝一下雪景, 分享一下...


廿四/一/二零零七 四 陰
為實現今日既心安理得準時走計劃, 早上一直按自己定下既schedule 努力工作, 誰知下晝就忍唔住撻到荒, 仲係度諗今晚食乜送, 突然好想食咖喱同西芹.
不過總算完成目標九成, 早d走, 去唐人街羅機票, 再買送返屋企煮飯, 經無限犯錯, 都總算整左個食得既薯仔蘿蔔西芹咖哩雞, 但係出水出到華東水災咁款... 好, 下次知道應該點整架啦.

2007.1.22

廿二/一/二零零七 一 寒風

今日全日休養生息, 要是游手好閒不如上網搜尋各路知識充實自己, 唔知羅景贈興, 結果學會一句成語, 屍位素餐

又
時值五時三十分, 又爆出另一單job, 聽日due, 簡直鑊鑊新鮮甘更甘, 可幸小弟施以奇門遁術(其實係因為我坐到六點半都冇人搵我幫手), 留下眾人繼續從幾張爛黃trace 中揣摩聖意, 一晚內將個project 由零化整. 祝各手足好運.

再
夜夜失眠, 重重困擾, 呼之不來, 揮之不去; 處處留痕, 幕幕重映, 怨之無用, 恨之可笑.望君可釋之, 問天待何時?

2007.1.20-21

二十/一/二零零七 六 晴
工作令人身心疲憊, weekend 最好一盡撻皮之快

廿一/一/二零零七 日 晴
今日晚上終於的起心肝想想下年報大學同日後前途的問題, 亦都話左俾阿媽聽我會報下倫敦既學校, 我諗佢實驚到暈低. 我諗其實我都會返HKU 讀既... 不過報下又唔使錢, 梗係多條路好過冇既...不過我都唔知點算, 好想做下其他野, 例如記者咁, 尤其而家我仲未確定建築師為終身職業. 其實日日係office, 我成日寧願睇新聞都唔想做野, 死hae都唔想做野, 於是我懷疑自己其實係唔係對做建築真係有興趣, 有或者我其實係唔係對做記者比較有興趣, 又或者我只係對得同一樣野太耐想做其他野, 抑或我犯賤, 邊樣成為職業就唔想做邊樣? 仲有, 如果真係闖一下, 我應該唔好讀MArch 住, 做一年其他野再算, 定係一路讀MArch 一路做part-time, 定係讀完MArch 先算?

2007.1.12-18

十二/一/二零零七 六 陰
Estelle 姐牛一, 我地去左唱K, 咁大個仔都未豪過一次有得食龍蝦既K, d歌新到連《富士山下》都有, 不過有d肯定係自家製品, 將MV拉低條人聲再加字幕...

十三/一/二零零七 日 晴
好耐都未見過咁好天, 但係對周圍既衛生情況已經忍無可忍, 要黎一次大掃除, 於是洗衫吸塵洗洗手盤洗廁所再手洗冷衫, 我差d以為自己玩緊the Sims真人版...

十四/一/二零零七 一 陰
星期一十萬個灰, 返到仲要比人寸遲到. 見到新同事, 巴基斯坦architect, 不幸地被編入裝修自己office縱隊(同我一樣), 我係佢就灰爆...

十六/一/二零零七 三 暴風/晴
下午乖乖(扮)工作, 老細開會中途, 突然傳來巨響, 窗外就是遍地玻璃的景象. 原來大風將對面樓四樓的大窗吹開, 打到外牆上面, 頓時粉身碎骨, 玻璃散落, 當時正值午飯時間, 十萬個幸運, 竟然站在玻璃碎中的男子未有損傷, 前世積的福是也

十八/一/二零零七 五 陰
星期五, 工作完成得七七八八, 問大家要否幫忙, 都只是十多分鐘就完成的貨仔, 四點幾, 老細開完會返黎, 見到我冇乜野做, 問我Are you keeping yourself busy? 就走左去, 真係含冤莫白.
可幸既係我呢d實質係唔憂做既一年貨仔, 又唔使搏上位, 又唔係做人世, 咁都冇咁慘; 但係可悲第二時做長工既時候, 冇野趕要扮勤力, 冇野做要扮做野, 雖然聽落覺得有違熱血青年的壯志豪情, 但係落得含冤莫白, 前功盡廢之時, 難道一盤冷水倒頭淋, 又唔會志氣盡喪咩?

2007.1.7-11

七/一/二零零七 日
雨下晝到屋企既Rockingham Arms 午飯, 六鎊一個餐, 有扒, 幾扺
上網上網上網
晚飯有新菜式: 泰式綠咖喱薯仔炆雞
飯後甜品: 麻雀任打

八/一/二零零七 一 雨
都係繼續幫老細度新屋, 完全唔想做呢個無聊的工作, 勁hae

九/一/二零零七 二 陰
頂今朝終於俾老細催啦, 拿拿聲攪掂又只不過十一點幾, 又繼續hae...

十/一/二零零七 三 陰
今日事先唔知原來自己有份去RHWL (Chowee公司) 個老細請食晏, 嘩真過癮, 去左一間意大利餐廳, 頭盤叫左個炒帶子

十一/一/二零零七 五 陰
星期五, 係時候清一清手上的工作五點幾, 替同事補祝N世前的生日, 就落pub去, 但係我就留低同老細請假
唉呀, 好唔開心呀, 佢話我只做左半年, 兩個禮拜假已經放左, 老細唔俾請突假, 問我unpaid leave制唔制, 我都要放架啦, 畢竟結婚一世人一次, 好彩機票有人請, 都唔使咁傷